Хүн бүрт багадаа үзэж харж, уншиж судалсан нэг баатар байдаг байхаа. Миний зохиолын баатар бол энэ хүн Шерлок Холмс. Анх хүн дүрст бичигтэй зохиолыг нь уншаад шууд амтанд нь орж билээ. Нөгөө хүн дүрст үсэгнүүдийг нь бүгдийг нь тайлж учрыг нь олоод өөрийнхөө нэрнээс эхлээд хэрэгтэй хэрэггүй юм бичиж суудагсан. Бичсэн юмыг маань надаас өөр хүн уншиж чадахгүй болохоор зугаатай ч юм шиг, эсвэл бүр ёстой тэнэг ч юм шиг. Харин сүүлд нөгөө үсэгнүүдээ ор тас мартсаны дараа манай дүү энийг уншаад бас үг зохиогоод сууж байж билээ. Ямартай ч энэхүү богино хэмжээний зохиолуудыг уншаад түүнийг дууриаж, хэнтэй ч уулзсан өмссөн хувцас үйл хөдөлгөөнийг нь харж тодорхойлох гэж оролддог, бас ч гэж олон жил оролдсон юм болохоороо Шерлок Холмс шиг сайн биш ч гэлээ, чамлахааргүй болсон гэж боддог.
Ингэхэд энэ ер нь юун хүн юм бэ? Маш олон зохиолын баатруудаас ганцаараа бараг бодит хүн шиг хүмүүсийн дунд үлдсэн баатар яах аргагүй үнэн. Англи улс, Лондон хот, Бейкэр стрийт, 221В гэсэн хаяганд оршин суудаг байсан гэх. Одоо яг энэ хаяганд нь Шерлок Холмсийн гэр музей байдаг гэж байгаа. Хэзээ нэгэн цагт очиж үзнэ дээ.
Шерлок Холмс гэгч энэ баатрыг Артур Конан Дойл гэж хүн бий болгосон. Нийт 56 богино хэмжээний түүхүүдтэй. Анх уншиж байхдаа Конан Дойлыг өөрөө энэ Шерлок Холмс гэж боддог байлаа. Харин түүний зургийг харахад зохиол дээр дүрслэгдсэн Холмсийн найз, бас туслах Доктор Ватсонтой төстэй хүн байсан юм. Ер нь зохиол нь Ватсон дандаа түүх өгүүлж байгаа юм шиг, Ватсоны тэмдэглэл ч юм шиг явагддаг. Тэгэхээр Конан Дойл өөрөө Ватсон түүнд Шерлок Холмс шиг найз байсан байхыг үгүйсгэхгүй.
Яагаад гэнэт энэ талаар бичээд эхлэв ээ гэж гайхаж магадгүй. Дөнгөж сая орлогоороо нилээн дээгүүр явж байгаа Шерлок Холмс гэгч киног үзсэн юм. Үнэндээ таалагдсангүй ээ. Багадаа төсөөлж бодож, дагаж дууриадаг байсан нөгөө баатар маань лав тэр кинонд гарсангүй ээ. Хэт боевик гэмээр дэндүү лут зодолдох юм. Хазгар Ватсон хүртэл 2 эрийг балбаж байх юм. Тэгээд ч Ватсон намхан махлаг нөхөр гэж бууж ирдэг боловч Холмсоос бараг өндөр жирийн хүн гарч байна. Харин Холмс өндөр туранхай байх ёстой байтал 2 баатар маань яг адилхан.
Ямартай ч сэтгэлд үнэхээр хүрсэнгүй.
Амьтны хүрээлэн
2 months ago
4 comments:
uzeegui ee, tgjiigaad uzvel setgegdlee huvaaltsnaa, gehdee bi jude.n former fan shuu, jaahan tuilshirsan review bichih bh shuu if i ever write one though :P nomnoos gevel ter sarmagchintaig unshij bsn ch odoo sain sanadaggui ee, still if i could get the hold of those unshnaa, goy zohioluud sh dee. bs, chi neeree sanaj bn uu, shanghai knights biluu ternii 2 deer n gardag sh dee arthur herhen sherlok.n duriig zohioson tuhai fantasy, ter ih hugjiltei,
Lyss: neeree uzsenshd. bas taalagdaagui:(
sarakhi: ёстой waste of time байналээ.
lyss: бас л хүн дууриаж явна уу :P
teneg>:P
Post a Comment